Böyük ehtimal uşaqlıqda 'day bəsdir oyun oynadın, gəl evə'  cümləsini çox eşitmisiz. Bizə də deyirdilər amma biz '5 dəqiqə də oynayıb gəlirik' deyirdik. O dəqiqələr üst üstə yığıldı hansı ki, mobil operatorların təklifi kimi dəqiqələr yanmadı gəlib bizim iş həyatımızda öz təsirini göstərdi

Uzun illərdir müştərilərimiz üçün müxtəlif kampaniya dövürləri boyunca və ya məhsullarının fərqli formada təqdimatını həyata keçirmək məqsədilə müxtəlif platformalar üzərindən maraqlı oyunlar hazırlayırıq. Bu yazımızda oyun mexanizmasının müştəri davranışlarına necə təsir edir mövzusunu müzakirə edəcəyik.

Bir mənalı olaraq oyunlar fərqli sahələrdə istifadəçilərlə emosional bağlılıq qurmaq üçün mükəmməl vasitədir.

Görünən odur ki, oyun mexanizması bu sahədə özünü doğruldur və  2023-cü ilə kimi həcmi 19 milyar dollar olaraq praqnozlaşdırılır.

Oyun mexanizması kütlə təsirediciliyi, məhsuldarlığın artırılması yönündə sürətli nəticə və biznes məqsədinə çatmaq üçün əla fürsətlərə malikdir.
Biz layihələri həyata keçirərkən aşağıdakı prinsiblərə cavab verməsini təmin edirik:
Kütləyə təsir və motivasiya etmək. Rəqabət atmosferi yaratmaq və insanların içindəki qalibiyyət hissini bəsləmək lazımdır.
Sıxıcılıqdan uzaq əyləncəli aktivlik yaratmaq. İnsanlar onları sıxan şeylərlə qarşılaşanda fokuslarını itirirlər. Əyləncəli aktivliklər təqdim edərək şüuraltlarında yer etmək.
Davranışlarını dəyişmək. İnsanları mükafatlandıraraq yeni davranışları qazanmaqlarına kömək etmək.
Qarmaşıq elementəri tanıtmaq. Oyun elementləri insanlarda öyrənmək istəyini artırır. Yeni və ya mövcud xidmətlərin tanıdılmasında oyun mexanizmasından istifadə etmək.

Gəlin oyun mexanizmasını istifadə edərək müştərilərin diqqətini çəkmənin və əldə tutmanın bəzi yollarını gözdən keçirək:

1. Müsabiqələr keçirmək və mükafatlar vermək. Bu yeni müştəriləri cəlb etmək üçün ən çox yayılmış vasitədir. Bir kimsədən nəysə almaq üçün mütləq qaydada nəysə vermək lazımdır 😊

2. Oyunu sadə və asan etmək. Unutmayın ki, bu əyləncəli və qavranması rahat olmalıdır. İstifadəçiyə nə qədər çətin tapşırıqlar verilsə vaxt keçdikcə bu onlar üçün bir o qədər maraqsız və yorucu olacaq.

3. Sosial medianı istifadə etmək. İstifadəçilərə uğurlarını, iştirak etdikləri yarışları və ya sevdikləri hər hansı bir xüsusiyyətləri sosial mediada dostları ilə bölüşməyə imkan verən seçim əlavə edirik. Bunu etməklə orqanik yayılmanı təmin etmiş oluruq.
   
   

   

   
   

4. Müştəriləri maarifləndirmək üçün istifadə etmək. Puzzle'lar, viktorinalar, qısa videolar və ya aktual oyunlar bir mövzunu hazırlamaq və ya daha yaxşı izah üçün istifadə edilə bilər.

5. Yeni xidmətləri tanıtmaq. Müştərilərin birbaşa reklamdan başqa xidmət və üstünlüklərinizi öyrənmələrinin daha əyləncəli yolları var.